Tags » მუხრან მაჭავარიანი

ტა, ტა,ტა, ტა

ტა,

ტა,

ტა,

ტა!

რანაირად ბრდღვინავს არაგვი!

ხო,

ხო,

ხო,

ხო! –

ხმელეთს როგორ ეხეთქება ზღვა!

არა!

სხვისი მისაბაძი

რა მჭირს, –

თვარა, – კი!..

სხვა

როცა მე შემომნატრის,

მე

მივბაძო სხვას?!

მე – პატრონმა,

მე – პატრონმა

ამისთანა ზღვის,

მე – პატრონმა,

მე – პატრონმა

ამისთანა ცის, –

თუ ღმერთი გწამს,

თუ კაცი ხარ –

სხვას მივბაძო?! –

ვის?!

რა გინდა რომ აქ არ იყოს, –

ენა იტყვის რას!

სიტყვა გინდა?! –

მარტო წვიმას

აქვს სახელი ცხრა.

მე შენ გეტყვი –

არ გეყოფა სიტყვის მარაგი…

არა!

სხვისი მისაბაძი

რა მჭირს, –

თვარა, – კი!

მუხრან მაჭავარიანი - "საგანი ღვარძლის..."

საგანი ღვარძლის,
საგანი შურის, –
წარსულით სავსე,
იმედით სავსე –
მიგორავს სული,
მიგორავს სული,
მიგორავს სული
დედამიწაზე.

მიგორავს,
როგორც ქუჩაში კასრი,
რომელიც
შემდეგ სარდაფში ჩადის;
მიგორავს,
როგორც ტრამვაის ხაზზე
წითელი ფერის
ტრამვაი მიდის…

გზადაგზა ხვდება
ფერები სათის…
ფერები თოვლის…
ფერები შინდის…

წარსულით სავსე,
იმედით სავსე –
მიგორავს სული,
მიგორავს სული,
მიგორავს სული
დედამიწაზე…

ეხლება ამას.
ეხლება იმას,
ეხლება ხეებს,
ეხლება კედლებს…
ივსება თოვლით,
ივსება მწვანით,
ივსება წვიმით,
ივსება მთვარით…

სინათლით სავსე,
შრიალით სავსე –
მიგორავს სული,
მიგორავს სული,
მიგორავს სული
დედამიწაზე.

Muxran Machavariani – Sagani Gvardzlis…
მუხრან მაჭავარიანი – საგანი ღვარძლის…

მუხრან მაჭავარიანი

მუხრან მაჭავარიანი - "ცხელი ღამე"

ცხელი ღამე.
სძინავს თბილისს.
ეზოშია შუქიც, ბინდიც.
შავი კატა –
შავი ჩრდილით –
ფეხაღრიცხვით
სადღაც მიდის.

Muxran Machavariani – Cxeli Game
მუხრან მაჭავარიანი – ცხელი ღამე

მუხრან მაჭავარიანი

მუხრან მაჭავარიანი - "დიდი რამე რომ აღმოაჩინო..."

დიდი რამე რომ აღმოაჩინო,
და მტრის მახეში რომ არ გაება, –
რაა საჭირო?! –
თავშეკავება!

ლუკმა გახდები ნაღდად ყვავების, –
ნიჭი თუ არ გაქვს თავშეკავების.

მუხრან მაჭავარიანი

მუხრან მაჭავარიანი - "და თავის დროზე ქცეული მწვანედ"

…და თავის დროზე ქცეული მწვანედ
არე და მარე – ვრცელი, დიადი,
მოთმინებიდან გამოჰყავს მთვარეს –
ყველაფრის მიმართ: –
„სულერთიათი!“

Muxran Machavariani – Da Tavis Droze Qceuli Mwvaned
მუხრან მაჭავარიანი – და თავის დროზე ქცეული მწვანედ

მუხრან მაჭავარიანი

მუხრან მაჭავარიანი - "დღეს, რაკი უკვე აღსრულდა..."

დღეს,
რაკი უკვე აღსრულდა
ის,
რასაც ზღაპარს ვადრიდი:
რა პატარაა! –
რაც მსურდა!
რაც მსურს –
დღესაა რა დიდი!

Muxran Machavariani – Dges, Raki Ukve Agsrulda…
მუხრან მაჭავარიანი – დღეს, რაკი უკვე აღსრულდა…

მუხრან მაჭავარიანი

მუხრან მაჭავარიანი - "ვზი. დღეა უღიმღამო"

ვზი.
დღეა უღიმღამო.
წვიმს…
ვღონდები წვიმის გამო.
წვიმს…

Muxran Machavariani – Vzi. Dgea Ugimgamo
მუხრან მაჭავარიანი – ვზი. დღეა უღიმღამო

მუხრან მაჭავარიანი