Tags » დეკორი

ბუხრის გაფორმება საახალწლოდ: 20 არაჩვეულებრივი იდეა

ახალი წელი ახლოვდება და თუ აქამდე არ დაგიწყიათ, დროა, სასწრაფოდ შეუდგეთ სახლის დეკორირებას.

ბუხარი სადღესასწაულო დეკორის ცენტრალური ელემენტი და შეიძლება ითქვას, ერთგვარი სიმბოლოც კია, ამიტომ სახლის საახალწლოდ დეკორირება, სჯობს, ბუხრით დაიწყოთ.

რასაკვირველია, ბუხრის დიზაინის მთავარი ელემენტი საშობაო წინდები და გვირგვინია. ასევე შეიძლება გამოიყენოთ გირლანდები, საახალწლო განათება, მწვანე ან ხმელი ტოტები, გირჩებისგან დამზადებული დეკორის ელემენტები, საშობაო ატრიბუტიკა და აუცილებლად – ლამაზი დეკორატიული სანთლები.

წარმოგიდგენთ ბუხრის დეკორირების 20 მაგალითს. დაათვალიერეთ და შეარჩიეთ იდეები, რომლებიც თქვენს სახლს მოუხდება ;)

ფოტო

სახლი ჩანჩქერზე

პირდაპირ ჩანჩქერის თავზე აშენებული ამ ლამაზი სახლის პროექტი არქიტექტორ ფრენკ ლოიდ რაითს (Frank Lloyd Wright) ეკუთვნის.

სახლი პენსილვანიის შტატში (აშშ), პიტსბურგიდან დაახლოებით 69 კილომეტრში მდებარეობს. … 11 more words

ფოტო

სახლის დეკორი: ავეჯი ბოთლებით

ბოთლებზე “შემდგარი” მაგიდების დიზაინი ბრაზილიელ დეკორატორს თათი გიუმარეესს (Tati Guimarães) ეკუთვნის. გიუმარეესი ეკოდიზაინის ბიუროს Ciclus-ის (https://ciclus.com) დამფუძნებელი და დეკორატორია, რომელიც ამჟამად  ბარსელონაში ცხოვრობს.

ბარსელონაში თათი ბოიფრენდთან ერთად ცხოვრობს.  საღამოობით კარგი ღვინის დაგემოვნება ორივეს ძალიან უყვარს, შედეგად კი დროთა განმავლობაში სახლში უამრავი ბოთლი დაუგროვდათ, რომელთაც დიზაინერი გადასაყრელად ვერ იმეტებდა. ან მე ან ეს ბოთლები! – გამოაცხადა ბოიფრენდმა, როდესაც ცარიელი ბოთლების კოლექცია ისე გაიზარდა, რომ სახლში ადამიანების ადგილი აღარ დარჩა.

გიუმარეესმა კონფლიქტის  მოსაგვარებლად საკმაოდ ორიგინალური გზა მოძებნა – ბოთლები მაგიდების დიზაინისთვის გამოიყენა.

Ciclus-ის ბოთლი-მაგიდების ფასები არც ისე დაბალია – 59-დან 622 ევრომდე მერყეობს. სხვათა შორის, დეკორის ამ ნივთებს მაგიდა ძალიან პირობითად შეიძლება დავარქვათ – რეალურად მხოლოდ წაბლის ხისგან დამზადებულ, დახვრეტილ დაფას და იმავე ფორმის შუშის საფარს ყიდულობთ, ბოთლები კი საკუთარი მარაგიდან უნდა აიღოთ ;) ;)

ასევე მყიდველის გადასაწყვეტია მაგიდის დეკორის სხვა ნიუანსებიც – ბოთლებში ყვავილების, სანთლების ან დეკორის რამე სხვა ნივთის ჩადება, ან სულაც ცარიელი დატოვება.

ამასთან,  Ciclus კლიენტებს ექსკლუზიური მომსახურებასაც სთავაზობს – სპეციალური შეკვეთის შემთხვევაში მაგიდაზე ამა თუ იმ კომპანიის სახელი, სლოგანი ან მაგალითად, საიტის მისამართი შეიძლება ამოიტვიფროს. რასაკვირველია, ამგვარი მაგიდების ფასი ჩვეულებრივზე მაღალია.

თათი გიუმარეესის კრეატიული კოლექცია ჩვენს გალერეაში:

ფოტო

ბებიას და ბაბუას საჩუქარი შვილიშვილებს - არაჩვეულებრივი სახლი ხეზე

ეს ზღაპრული ნაგებობა, რომელიც დალასელმა წყვილმა სთივ და ჯერი უეიქფილდებმა (Steve and Jeri Wakefield) თავიანთი შვილიშვილებისთვის – სალივან და ლინკოლნ სკოტებისთვის ააშენეს, ალბათ, საუკეთესო სათამაშო სახლია მსოფლიოში.

სახლის მთლიანი ფართობი “საცხოვრებელი ზონებისა” და პატარ-პატარა ვერანდებისა და აივნების ჩათვლით 100 კვადრატული მეტრია. საშენ მასალად და ინტერიერის მოსაპირკეთებლად ძირითადად ნატურალური მასალებია გამოყენებული. სახლის მთავარი საყრდენი უზარმაზარი ხეა, რომელიც მრავალი ათეული წელია, უეიქფილდების უკანა ეზოში იზრდება.

შვილიშვილებისთვის სათამაშო სახლის აშენების იდეა უიქფილდებს 9 წლის წინ გაუჩნდათ, თუმცა განხორციელება მხოლოდ წელს მოახერხეს. ამაში მათ მეგობარი, არქიტექტორი ჯეიმს ქარვენი დაეხმარა.

“ასეთი სახლის ასაშენებლად მთავარია ისევ ბავშვად იგრძნო თავი და ბავშვივით ფიქრი შეძლო”, – ამბობს არქიტექტორი.

ფოტო

Eazy Wallz-ის ცოცხალი კედლები

ამ პოსტში გვინდა წარმოგიდგინოთ კომპანია Eazy Wallz-ის მიერ წარმოებული პროდუქცია, რომელიც ინტერიერის დეკორირების პროცესს სასიამოვნო საქმიანობად აქცევს.

Eazy Wallz-ის 3D  შპალერების მსოფლიოს ნებისმიერ კუთხეში “ტელეპორტირება” შეუძლია – იქნება ეს იაპონია თუ … 8 more words

ფოტო

სააბაზანო ოთახის დიზაინი: ქვის აბაზანები

ქვა არაჩვეულებრივი ნატურალური სამშენებლო და მოსაპირკეთებელი მასალაა, რომელიც არაჩვეულებრივ იერს აძლევს როგორც სახლის ექსტერიერს, ისე ინტერიერს.

ქვის თუნდაც ერთი დეტალის დამატება ოთახს სიმყუდროვეს და განსაკუთრებულ ატმოსფეროს სძენს. თუმცა დღეს მხოლოდ სააბაზანო ოთახის დიზაინზე შევჩერდებით და შემოგთავაზებთ 15 იდეას, სადაც თანამედროვე მოსაპირკეთებელი მასალები ნატურალური ქვით არის შეცვლილი.

ქვით მოპირკეთებული სააბაზანო ოთახები და არაჩვეულებრივად ლამაზი ქვის აბაზანები ჩვენს გალერეაში:

ფოტო

ქეთ ო'სალივანის ცისარტყელა სახლი

ამერიკელი არტისტი ქეთ ო’სალივანი 20 წელზე მეტია, მეორადი ტანსაცმლისგან არაჩვეულებრივ ჭრელ პალტოებს, სვიტრებსა და სხვადასხვა აქსესუარს კერავს.

ცოტა ხნის წინ ქეთმა თავისი სახლი, რომელიც ნიუ იორკის შტატში მდებარეობს, როგორც თავად ამბობს, “პალტოსფრად” გადაღება ;) ;)

სახლი საკმაოდ ძველია, 1840 წელს არის აშენებული და არაფრით გამოირჩევა ახლომდებარე დასახლებაში მდებარე უღიმღამო სახლებისგან.

“ალბათ, ჩემს სახლს ვერც კი შეამჩნევდით, თუ შემთხვევით გვერდზე ჩაუვლიდით. ახლა კი ეს ნამდვილად გაგიჭირდებათ ;) ” – ამბობს არტისტი.

ერთ მშვენიერ დღეს ქეთ სალივანი რაიმე კრეატიულის გაკეთების სურვილმა შეიპყრო და ახლომდებარე სამეურნეო მაღაზიას მიადგა, სადაც აბსოლუტურად ყველა საღებავის თითო ეგზემპლარი შეიძინა. შემდეგ სასწრაფოდ სახლში დაბრუნდა და სახლის ღებვას შეუდგა.

რამდენიმე თვის მუშაობის შემდეგ სახლის ექსტერიერი მთლიანად შეიღება, თუმცა როგორც სალივანი ამბობს, მისი კალიკო (ასე უწოდებს საკუთარ სახლს ;) ) კიდევ უფრო უცნაური გახდება.

ფოტო